• 2024 оны 12 сарын 14

ЭЗШУИС МОНГОЛЫН СУВИЛАГЧДЫН ХОЛБООТОЙ ХАМТРАН ОЛОН УЛСЫН ХУРАЛ ЗОХИОН БАЙГУУЛЛАА.

ЭЗШУИС Монголын Сувилагчдын нийгэмлэгтэй хамтран “Нийгмийн эрүүл мэндийн сувилахуйн тусламж үйлчилгээ” сэдэвт Олон улсын эрдэм шинжилгээний хурлыг 2024.12.05-ы өдөр зохион байгуулан, хүрэл спонсороор оролцлоо.

Хуралд Эрүүл мэндийн яам, Нийгмийн эрүүл мэндийн төв, БНХАУ, БНСУ, Япон улсын зочид төлөөлөгчид болон хот, хөдөөнөөс нийт 200 гаруй сувилагч мэргэжилтэн цуглан салбарын тулгамдсан асуудлыг хэлэлцсэн практик ач холбогдол бүхий хурал болж өндөрлөв. Хурлын үеэр ЭЗШУИС-ийн сувилахуйн тэнхимийн эрхлэгч Э. Сувд- Эрдэнэ, багш Б.Жавзандолгор нар сургууль болон хөтөлбөр, мэргэжлээ сурталчлан мөн хуралд СУТ-ийн багш С.Оюунгэрэл “Өрхийн эрүүл мэндийн төвийн сувилагчдын ажлын байрны сэтгэл ханамж“ сэдвээр аман илтгэл, СУТ-ийн багш Р.Даваажав “Яаралтай тусламжаар ирсэн зүрхний цочмог шигдээстэй үйлчлүүлэгчдэд эмчилгээ хийхэд тулгарч буй саад” сэдвээр постер илтгэл тус тус хэлэлцүүлэв.

Тус хуралд хамтран ажилласан байгууллага болон СУТ-ийн багш нартаа баяр хүргэе