• 2025 оны 01 сарын 15

“K-MEDI ТОРГОНЫ ЗАМ ТӨСӨЛ"-ИЙН ФОРУМ АМЖИЛТТАЙ ЗОХИОН БАЙГУУЛАГДЛАА.

“K-MEDI ТОРГОНЫ ЗАМ ТӨСӨЛ"-ИЙН ФОРУМ АМЖИЛТТАЙ ЗОХИОН БАЙГУУЛАГДЛАА.

БНСУ-ын уламжлалт анагаах ухааны салбарт тэргүүлэх байр суурь эзэлдэг, 65 жилийн түүхтэй Дэгү уламжлалт анагаах ухааны их сургууль (Daegu Haany University)-тай хамтран хэрэгжүүлж буй K-MEDI Торгоны зам төслийн хүрээнд зохион байгуулсан форум 2024 оны 12 сарын 17-20-ны өдрүүдэд БНСУ-д амжилттай зохион байгуулагдаж өндөрлөлөө. Тус форумд “K-MEDI Торгоны зам төсөл”-ийг БНСУ-тай хамтран хэрэгжүүлэх Монгол, Тайланд, Турк, Узбекистан, Киргизстан, Вьетнам зэрэг улсын төлөөллүүд оролцож, төслийн стратеги төлөвлөгөө, цаашид хийх ажлууд, төслийн үр өгөөж, төсөлд оруулж буй хувь нэмэр, гүйцэтгэх үүргийн талаар хэлэлцлээ.

Монгол улсыг төлөөлөн Монос группийн Үйл ажиллагаа хариуцсан захирал Х.Солонго, Эдийн засаг, хөгжлийн яамны Шинжлэх ухааны бодлого, төлөвлөлтийн хэлтсийн ахлах шинжээч Ц.Намчинсүрэн, Эм зүйн шинжлэх ухааны их сургуулийн Боловсрол эрхэлсэн дэд захирал Н.Зулцэцэг, Эрдэм шинжилгээ, гадаад харилцаа эрхэлсэн захирал Э.Сэлэнгэ нар оролцлоо. Форумын хүрээнд Дэгү уламжлалт анагаах ухааны их сургуулийн Haany косметик, Судалгааны хүрээлэн, Их сургуулийн харъяа эмнэлэг, Кёнсандонг Дорнын Анагаах Ухааны Төвийн үйл ажиллагаатай тус тус танилцан, туршлага судаллаа.

Цаашид бидний хамтын ажиллагаа улам өргөжин, урт хугацааны туршид, үр өгөөжтэйгээр хамтран ажиллана гэдэгт итгэж байна.

Эрдэм шинжилгээ, гадаад харилцааны алба

Monos Group - Монос Групп Эм Зүйн Шинжлэх Ухааны Их Сургууль 대구한의대학교 @www.monos.mn